Munting Panalangin ng Pag-asa

Ama namin na gumawa ng lahat, muli akong lumalapit sa inyo at nagpapakumbaba upang sumasampalataya at magpasalamat sa kung anong meron ako sa buhay ko sa mga oras na ito. Patawarin ninyo po kami sa aming pagkakasala. Patatagin Ninyo po sana ang kalooban ko na manatiling kumapit lamang sa inyong anak na si Hesu Kristo ang aming tagapagligtas. Sya lamang ang tamang daan patungo sa inyo wala ng iba. Sa kanya lang po namin makikita ang tunay na kahulugan ng aming buhay sa pamamagitan ng kanyang katotohanan. Bale-wala ang lahat ng meron kami kung hindi rin kami kakapit at aasa sa Kanya. Dahil po sa katapusan ng lahat, si Hesus lamang ang mahalaga. Kaya po itinataas ko sa inyo ang mga kapatid ko at ang kani-kanilang pamilya na hipuin mo ang kanilang puso at isipan upang magkaroon sila ng pagka-uhaw sa presensya ninyo. Unti-unting ilapit nila ang mga sarili nila sa inyo kasama ang kanilang pamilya para magkaroon sila ng tunay na kapayapaan at ilaw sa kanilang buhay, na sa inyo lamang matatagpuan. Sapagkat ang kapayapaan na naidudulot ng kamunduhan ay hindi nagtatagal at kayang kayang bawiin ng mundo sa amin. Samantalang ang kapayapaan na nanggagaling sa inyo na hindi maipaliwanag ng isip ay babantayan maigi ang aming mga puso at isipan sa ngalan ni Hesus. Maraming salamat sa buhay na ibinigay ninyo na syang nagtatalaga ng oras at panahon para ayusin ang aming buhay. Ikaw po Hesus ang huling hantungan ng aming desisyon na aming Diyos at tagapagligtas sa tulong at pag-gabay ng Santo Espirito sa araw-araw, mahal po namin kayo. Amen 

DarkKnight RF