Sunday, January 20, 2013

Mga bagay na aking pinasasalamatan

skitzone.com

Panginoon maraming salamat po sa araw na ito na may napakagandang umaga at maayos na kalakasan sa pag-gising ko 
sa pagpatnubay ninyo at pagbigay ng biyaya n'yo sa akin at sa aming pamilya
sa pagbigay ninyo sa amin ng pangaraw-araw na proteksyon sa sakit at sa mga makakasakit sa amin
sa pag-akay ninyo sa amin sa tuwing naliligaw kami sa pagiisip at sa mga maling gawain, maraming salamat sa pagpapatawad ninyo sa amin, mahal namin kayo
sa mga pagkain, mga damit at mga bagay na kailangan namin sa pang araw-araw
sa mga trabaho namin na patuloy nyong pinananatili na nagbibigay sa amin ng pagasa at para na rin  mayroon kaming maipapamahagi sa mga nangangailangan
salamat po at mayroon kaming tinutuluyan na bahay at hindi sa kalsada o kung san man abutin 
sa pagmamahal at pag udyok nyo sa amin na manatiling kumapit sa pagasa at ibigay ang katapatan sa Inyo kahit hindi kami perpekto
sa pagtanggap ninyo sa amin ng buong puso at walang paghusga, kayo ang kahapon, ngayon at bukas namin, kayo lang ang makakaintindi at makakapag-ayos ng aming mga sarili
Maraming salamat po sa pagbigay ninyo ng buhay namin kung hindi sa pahintulot ninyo wala kami, sa Inyo nagmumula ang lahat.


Dark Knight R.F.

No comments:

Post a Comment